Супраць Валерыі Чарнаморцавай завялі крымінальную справу, яна на Валадарцы
Праваслаўная хрысціянка, даследчыца і экскурсавод Валерыя Чарнаморцава, затрыманая 18 кастрычніка, пасля адбыцця 10-дзённага адміністрацыйнага арышту была пераведзена ў СІЗА-1 на вуліцы Валадарскага. Пра гэта паведамляе «Хрысціянская візія».
Па якім крымінальным артыкуле ёй выстаўленыя абвінавачанні, пакуль невядома.
6 лістапада Валерыя будзе святкаваць свой дзень нараджэння. Павіншаваць яе можна лістом, тэлеграмай або грашовым пераводам па адрасе: Чарнаморцава Валерыя Віктараўна, СІЗА-1, вул. Валадарскага, 2, г. Мінск, 220050.
