Тры гады калоніі — за адзін каментар

Палітвязня асудзілі да трох гадоў калоніі за адзін каментар пад відэа. Зрэшты, у 2020 годзе яго ўжо двойчы судзілі па «народным» артыкуле 23.34.

38-гадовага палітвязня Руслана Кузьміча прысудзілі да трох гадоў пазбаўлення волі ў калоніі агульнага рэжыму, паведамляюць праваабаронцы.

Руслана Кузьміча з Наваградка прызналі вінаватым паводле арт. 361-4 Крымінальнага кодэкса. Нібыта палітвязень 3 кастрычніка 2021 года ў адным з «дэструктыўных тэлеграм-каналаў» пакінуў каментар «у падтрымку экстрэмісцкай дзейнасці і выкарыстання зброі» пад відэа, у якім дэманструецца выкарыстанне зброі.

Згодна з паведамленнямі пракуратуры, у каментары «Ок, пришло время дастовать оружие. ЖЫВЕ БЕЛАРУСЬ!» абвінавачаны «падахвочваў іншых грамадзян да гвалтоўных супрацьпраўных дзеянняў, у тым ліку з выкарыстаннем зброі».

Падчас папярэдняга следства Руслан Кузьміч адмовіўся даваць паказанні. Вядома, што цягам 2020 года ён двойчы прыцягваўся да адміністрацыйнай адказнасці па «народным» артыкуле 23.34.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: