«У 6 разоў падняць кошты — хто вытрымае?» Улады распавялі, калі і пры якой умове падаражэюць жыллёва-камунальныя паслугі

Беларусы зараз кампенсуюць каля 85% выдаткаў на спажываную электраэнергію, паведаміў сёння намеснік прэм'ер-міністра Беларусі Уладзімір Сямашка на форуме «Атамэкспа» у Сочы, перадае БелТА. Паводле яго слоў, улады плануюць на працягу двух гадоў выйсці на поўнае пакрыццё выдаткаў на гэтую паслугу, але «гэта будзе па меры росту заработнай платы і пенсій».

За цеплавую энергію насельніцтва пакрывае 16,8% выдаткаў, удакладніў намеснік прэм'ер-міністра. Пры гэтым задача выйсці на 100% паводле яго слоў, цяпер не ставіцца. «У шэсць разоў падняць кошты — хто вытрымае? Нават заможныя ці людзі з сярэднім дастаткам не могуць. Мы такую задачу і не ставім у бліжэйшы час», — растлумачыў віцэ-прэм'ер.
Віцэ-прэм'ер разлічвае, сабекошт вытворчасці электраэнергіі будзе зніжацца, гэта ўжо зараз можна бачыць на прыкладзе новых станцый. З уводам АЭС выпрацоўка ўласнай электраэнергіі будзе абыходзіцца Беларусі яшчэ танней, упэўнены ён.
У лютым гэтага года ў «Белэнерга» паведамілі, што насельніцтва пакрывае каля 80% выдаткаў на спажываную электраэнергію, 20% — на цеплавую.
Нагадаем, па дадзеных «Белэнерга», ўзровень кампенсацыі насельніцтвам затрат на аказанне паслуг па цеплазабеспячэнні ў 2003 годзе складаў 98%. У 2006 годзе гэты паказчык істотна скараціўся — да 69% у 2010-м — да 37%. Да 2012 года беларусы кампенсавалі ўжо 18% за спажыванне цяпло, столькі ж — у 2015 і 2016 гадах.
Прыкметна скараціўся з 2003 года таксама і ўзровень кампенсацыі насельніцтвам затрат на аказанне паслуг па электразабеспячэнні. Так, у 2003 годзе гэты паказчык складаў 107%, гэта значыць дзяржава засталася ў плюсе за аказаныя паслугі. Але далей ўзровень кампенсацыі стаў падаць. У 2006 годзе ён складаў 86% у 2011-м — 37% у 2012-м — 32%.
Далей беларусы сталі больш кампенсаваць за спажытую электраэнергію. У 2013 годзе гэты паказчык вырас да 53% у 2014-м — да 82% а ў 2015-м — упаў да 75%.
Нагадаем, у пачатку студзеня Аляксандр Лукашэнка падпісаў указ аб планавым павышэнні камуналкі, якім ўсталявалі гранічна дапушчальныя тарыфы. Устаноўлены з 1 студзеня тарыф на паслугі ЖКГ дазваляе да сярэдзіны гэтага года дасягнуць 100% аплаты асноўных паслуг, акрамя цеплавой энергіі, заявіў раней намеснік прэм'ер-міністра Анатоль Калінін.
Нагадаем, у дзясятку самых дарагіх тавараў і паслуг па выніках мінулага года ўвайшлі шматлікія паслугі ЖКГ. У цэлым камуналка вырасла на 16,5%.

Паводле tut.by