У Адміністрацыю Лукашэнкі перададзены зварот за выхад Беларусі з саюзу з Расіяй

30 красавіка сустаршыня Беларускай хрысціянскай дэмакратыі Вольга Кавалькова перадала ў Адміністрацыю Лукашэнкі калектыўны зварот з патрабаваннем неадкладнай дэнансацыі дамовы аб Саюзнай дзяржаве Рэспублікі Беларусь і Расійскай Федэрацыі і выхаду Беларусі з Арганізацыі дамовы аб калектыўнай бяспецы АДКБ.

Калектыўны зварот падпісалі 200 грамадзян Беларусі.
«Гэтыя пагадненні супярэчаць нацыянальным інтарэсам беларускага народа і пагражаюць незалежнасці Беларусі. Уваходжанне Беларусі ў склад АДКБ разам з Расіяй нясе рэальную пагрозу ўцягвання беларускіх грамадзян у ваенныя канфлікты, а развязаная кіраўніцтвам Расійскай Федэрацыі вайна адкрывае шлях да анексіі Беларусі па Крымскім сцэнары», — адзначыла Вольга Кавалькова.
Копіі звароту таксама накіраваныя ў Міністэрства замежных спраў і Палату прадстаўнікоў.