У Докшыцкім раёне на кавід хварэе 3% насельніцтва

Як і ўвесну, гэтыя мясціны — чырвоная зона каронавіруса.

Па афіцыйных звестках, на гэты момант на каранавірус хварэе 3% жыхароў Докшыцкага раёна, паведамляе «Наша Ніва» са спасылкай на докшыцкую газету «Родныя вытокі».

Статыстыка кавіду па асобных раёнах і абласцях у Беларусі не публікуецца. Аднак мясцовыя СМІ і органы ўлады ў некаторых раёнах даюць звесткі.

Так, на мінулым тыдні гарвыканкам Магілёва апублікаваў лічбы смяротнасці за 11 месяцаў 2020 года, з якіх вынікае, што смяротнасць у горадзе вырасла проці мінулага года больш як на 20%.

У Докшыцкім жа раёне па стане на 11 снежня ўжо 648 хворых на кавід. 58 ляжаць у стацыянары, яшчэ 590 хварэюць дома. Памерлі за час пандэміі 12 чалавек.

Паколькі ў Докшыцкім раёне жыве 22 200 чалавек, гэта значыць, што хварэе 3% жыхароў або кожны 34-ы.