У Мінску затрыманы грамадскі актывіст Яўген Батура (абноўлена: адпусцілі)

Сёння раніцай да яго дамоў прыйшлі міліцыянты і забралі на «прафілактычную гутарку».
Яўген Батура. Фота з асабістага архіва

Яўген Батура. Фота з асабістага архіва

Каля 10 раніцы міліцыянты прыйшлі да актывіста дамоў і сказалі, што яму трэба праехаць для «прафілактычнай гутаркі» ў Цэнтральнае РУУС. Яны паводзілі сябе карэктна, пачакалі, пакуль ён збярэцца, сказалі, што браць з сабой нічога не трэба. На пытанне, з якой нагоды будзе гутарка, сказалі, што не ведаюць.

Міліцыянты пасадзілі Яўгена Батуру ў шэры бус і павезлі. З таго часу сувязі з ім не было. Пасля абеду жонка Яўгена змагла датэлефанавацца ў РУУС, дзе ёй пацвердзілі, што Батура ў іх, ён затрыманы за нібыта «адміністрацыйнае правапарушэнне», але за якое менавіта, казаць адмовіліся. Таксама ў РУУСе сказалі, што да суда Яўген паедзе ў ІЧУ.

Абноўлена:

Пасля 6,5 гадзін у Цэнтральным РУУС Яўгена Батуру адпусцілі без складання пратакола.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: