У Польшчу і Літву не ўпусцілі 111 мігрантаў з боку Беларусі

За мінулыя суткі ў Польшчу і Літву не ўпусцілі 111 мігрантаў, якія спрабавалі незаконна трапіць на тэрыторыю краін з боку Беларусі.

У Польшчу спрабавалі пракрасціся 29 замежнікаў, сярод якіх грамадзяне Ганы і Сірыі. Інцыдэнты адбыліся на ўчастках Баброўнікі і Белавежа.

У Магдаленцы на ўчастку Цярэспаль затрыманы кур'ер з Анголы, які перавозіў трох грамадзян Ганы.

Літоўскія памежнікі спынілі незаконнае перасячэнне мяжы 82 мігрантамі.

Паводле reform.by.