Выйшаў на волю палітвязень Міхаіл Беркас, які быў асуджаны за графіці ў Оршы

Міхаіл быў асуджаны на 1 месяц арышту за тое, што нанёс некалькі графіці з надпісамі «Жыве Беларусь», «3%» на будынках у аршанскім мікрараёне Заходняя, паведамляе «Наша Ніва».

Графіці з'явіліся на краме, табакерцы, на будынку дома састарэлых. Сваё зняволенне Міхаіл Беркас адбываў у СІЗА №2 у Віцебску.

Сёння, 10 красавіка, малады чалавек выйшаў на волю.