Выйшла на волю Вольга Брыцікава. Сёлета яна правяла на «сутках» 105 дзён

Пра вызваленне старшыні незалежнага прафсаюза на прадпрыемстве «Нафтан» Вольгі Брыцікавай паведамілі праваабаронцы.

Вольгу Брыцікаву затрымалі 1 лістапада. Затым ёй двойчы прызначалі па 15 сутак арышту. За кратамі Вольга абвяшчала галадоўку — прычынай стала парушэнне яе правоў, а таксама адмова супрацоўнікаў ізалятара перадаваць ёй перадачы ад сваякоў.

За няпоўны 2022 год Брыцікава правяла за кратамі 105 сутак — з іх вясной 75 сутак запар.

Раней, калі з'явілася інфрмацыя пра перавод Вольгі ў СІЗА Віцебска, узніклі меркаванні, што на яе завялі крцмінальную справу. Але гэта не спраўдзілася.

Таксама паведамлялася, што падчас адбыцця Вольгай «сутак» затрымлівалі яе сына Ягора, які як раз вярнуўся з войска і прадстаўляў інтарэсы жанчыны ў судзе. Аднак пазней хлопца адпусцілі.


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: