Вывазны рэйс з Мінска ў Ірак, які мусіў стаць апошнім, адменены

Пра гэта паведаміла прэс-служба Нацыянальнага аэрапорта «Мінск».

Да гэтага былі адмененыя рэйсы 28 і 29 лістапада, нагадвае «Наша Ніва».

Учора прэс-сакратар Міністэрства міграцыі і перамешчаных асобаў Ірака Алі Абас Джахангір заяўляў, што рэйс 30 лістапада павінен быў стаць апошнім.

Дагэтуль, паводле іракскага боку, было вывезена 1876 чалавек.

Раней беларускія ўлады ацэньвалі колькасць мігрантаў у Беларусі ў памеры ад 5 да 7 тысяч чалавек.