З Беларусі сыходзіць адзін з самых паспяховых стартапаў Казахстана

Услед за бізнесоўцам Кайратам Баранбаевым, які страціў франшызу Mcdonald's, з Беларусі сыходзіць яшчэ адзін казахстанскі інвестар. У гэты раз з IT-сферы. Як стала вядома Office Life, свой бізнес тут закрывае стваральнік анлайн-платформы Smart Satu Балатбек Аспанаў.

Мясцовая кампанія «СмартСатуЛаб», якая з 2018 года была адзіным рэзідэнтам Парка высокіх тэхналогій з казахстанскім капіталам, цяпер праходзіць ліквідацыю.

Анлайн-платформа, частку распрацоўкі якой Балатбек Аспанаў у сярэдзіне 2010-х даверыў беларускім праграмістам, забяспечвае прамыя кантакты пастаўшчыкоў з рытэйлерамі і рэстаратарамі. Акрамя Казахстана, яе паслугі даступныя ў Расіі, Турцыі, Сінгапуры, ААЭ і ЗША.

Smart Satu называецца адным з самых буйных і паспяховых стартапаў Казахстана. Ацэнка яго капіталу — $40 млн.

Варта адзначыць, што якраз сёння Лукашэнка сустракаўся з кіраўніцтвам ПВТ, дзе зноў раскрытыкаваў айцішнікаў за пратэсную актыўнасць у 2020 годзе. Разам з тым менеджары Парка бадзёра справаздачыліся перад ім, маўляў справы ў ІТ-сектары ідуць добра, а будуць яшчэ лепей. Пад гэтую рыторыку акурат і стала вядома пра сыход буйнага казахстанскага стартапу.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: