З'явіліся падрабязнасці пастановы Саўміна аб мерах супраць экстрэмізму. Інфармацыі аб прызнанні тэлеграм-каналаў «экстрэмісцкімі фарміраваннямі» там няма

Сёння вечарам дзяржінфармагенства БелТА апублікавала падрабязнасці нашумелай пастановы.

photo_2021_10_13_19_14_21.jpg


З'явіліся падрабязнасці пастановы Саўміна аб мерах супраць экстрэмізму. Інфармацыі аб прызнанні тэлеграм-каналаў «экстрэмісцкімі фарміраваннямі» там няма.
Нагадаем, учора пастанова Савета Міністраў N 575 «Аб мерах процідзеяння экстрэмізму і рэабілітацыі нацызму» была зарэгістраваная на Нацыянальным прававым інтэрнэт-партале, аднак тэкст дакумента апублікаваны не быў.
Пры гэтым ГУБАЗіК паведаміў, што, згодна з гэтай пастановай, падпісчыкаў «экстрэмісцкіх тэлеграм-каналаў» прыраўняюць да ўдзельнікаў «экстрэмісцкага фарміравання». Будуць заводзіць «крыміналку», санкцыя артыкула прадугледжвае пакаранне да сямі гадоў турмы.
Сёння вечарам дзяржінфармагенства БелТА апублікавала падрабязнасці пастановы. І там няма інфармацыі пра крымінальную адказнасць для падпісчыкаў тэлеграм-каналаў.
Там гаворыцца аб парадку прызнання матэрыялаў экстрэмісцкімі, парадку правядзення маніторынгу інфармацыйных матэрыялаў, рэгламенце дзеяння спецыяльнай камісіі пры Міністэрстве інфармацыі.