За бел-чырвона-белы сцяг на фуры аштрафавалі лідчаніна

У Лідзе аштрафавалі мясцовага жыхара за бел-чырвона-белы сцяг на фургоне-рэфрыжэратары

У судзе Лідскага раёна 21 студзеня асудзілі мясцовага жыхара паводле артыкула 24.23 КаАП — несанкцыянаванае пікетаванне, паведамляюць праваабаронцы.

 Згодна з пратаколам, лідчанін «узяў удзел у пікетаванні шляхам выпуску на лінію аўтамабіля DAF з фургонам-рэфрыжэратарам KOGEL з бел-чырвона-белым сцягам».

Суддзя Уладзімір Федаровіч згадзіўся з абвінавачваннем, прызнаў мужчыну вінаватым і пакараў яго штрафам у памеры 320 рублёў (10 базавых велічыняў).