Жанчыну, якая напісала антываенны ліст у адміністрацыю Лукашэнкі, пачнуць судзіць 15 чэрвеня

15 чэрвеня ў Маларыцкім судзе распачнецца суд над палітзняволенай Людмілай Рамановіч. Суддзёй выступіць Таццяна Наўмовіч. Працэс будзе праходзіць у адкрытым рэжыме, паведамляюць праваабаронцы.

Людмілу Рамановіч затрымалі 4 красавіка, а потым змясцілі ў брэсцкае СІЗА. Жанчыну абвінавачваюць у абразе Лукашэнкі з-за ліста, які жанчына даслала ў Следчы камітэт.

Напачатку сакавіка Рамановіч звярнулася з лістом-пратэстам на сайт Адміністрацыі Лукашэнкі. Жанчына выказала пратэст супраць удзелу Беларусі ў вайне супраць Украіны.