Жанчыны пад бел-чырвона-белымі парасонамі зноў прайшліся па вуліцах Мінска (ФОТА)

Традыцыйнае шэсце жанчын з нацыянальнай сімволікай у Мінску было адметным, яго ўдзельніцы былі ў чорным адзенні.

Як заявілі самі ўдзельніцы, «адзенне чорнага колеру — жалоба па загінулых ад рук злачыннага рэжыму, які тэрарызуе ўласны народ. Чырвоныя маскі на твары — маўклівае выяўленне любові, пакут і болю.

А бел-чырвона-белыя парасоны ўвасабляюць надзею і веру ў тое, што цёмныя часы — не назаўжды і нашы нацыянальныя колеры будуць паўсюль, імёны герояў увекавечаныя, палітвязні выйдуць на волю, страх сыдзе, а злачынцы будуць пакараныя», — піша «Свабода».