Затрымалі Іллю Міронава, які напісаў палітвязням больш за 2500 лістоў
Гомельскага актывіста і арганізатара канцэртаў Іллю Міронава затрымалі на трое сутак.
Валанцёра Іллю Міронава, які напісаў палітвязням больш за 2500 лістоў, зноў затрымалі.
Пра затрыманне паведаміла яго маці Валянціна Міронава ў сябе на старонцы ў Facebook: «Больш нічога не вядома. Можа, хто быў сведкам затрымання — адгукніцеся».
У сярэдзіне верасня, калі Ілля выйшаў пасля мінулага затрымання за «пікетаванне майкай», на якой быў надпіс «Пішыце лісты», актывіст распавядаў НЧ, што дзейнасць, накіраваная на падтрымку іншых, падтрымлівае і яго самога. Калі ён атрымлівае чарговы ліст з-за кратаў, напаўняецца энергіяй і сіламі дзейнічаць далей.