Жыхар Мазыра адправіў у ДАІ «парнаграфічны малюнак», за што можа сесці на паўгады
Напрыканцы сакавіка 2017 году супрацоўнікі ДАІ Калінкавічаў спынілі нецвярозага мужчыну, які ішоў па праезжай частцы. Святлоадбіваючага элементу ў яго не было. На мужчыну склалі пратакол за парушэнне ПДР і адпусцілі. Але гісторыя на гэтым не скончылася...
Малюнак Франсуа Дзюбо (ілюстрацыя да матэрыялу)
Паводле ДАІ Гомельскай вобласці, мужчына штраф плаціць не збіраўся. Атрымаўшы павестку аб яўцы ў аддзел ДАІ Мазырскага райвыканкаму, мужчына ...намаляваў на аркушы паперы «парнаграфічную выяву» і, падкалоўшы яе да павесткі, адаслаў ліст назад у ДАІ.
У выніку, у адносінах да 37-гадовага «карыкатурыста» ўзбуджана крымінальная справа за выраб і распаўсюд парнаграфічных матэрыялаў.
Мужчына адпушчаны пад абавязальніцтва аб яўцы, тым не менш, яму пагражае да шасці месяцаў арышту.
Паводле tut.by