Жыхара Баранавічаў затрымалі па падазрэнні ў развешванні «пратэснай сімволікі»

Распачата крымінальная справа за «хуліганства».

53-гадовага жыхара Баранавічаў затрымалі па падазрэнні ў развешванні «пратэснай сімволікі», ён знаходзіцца ў ІЧУ, паведамляе прэс-служба МУС.
Паводле інфармацыі ведамства, са студзеня па чэрвень бягучага года невядомы развешваў пратэсную сімволіку на лініі электраперадачы ў Баранавічах, на тэрыторыях Баранавіцкага і Ляхавіцкага раёнаў. На дадзены момант вядома пра 17 такіх фактаў.
У дачыненні да мужчыны распачата крымінальная справа за «хуліганства».
Як паведамляюць праваабаронцы, затрыманы — майстар спорту па паўэрліфтынгу Уладзімір Бранавіцкі. Яго затрымалі 16 чэрвеня.
Паводле reform.by.