Жыхару Маладзечна з апошняй стадыяй рака выставілі абвінавачванні па пяці крымінальных артыкулах

У Паўла Кучынскага анкалагічная хвароба ў чацвёртай стадыі. Нягледзячы на гэта, яго трымаюць за кратамі, хаця родныя просяць змяніць меру стрымання.

Паўла Кучынскага абвінавачваюць ажно паводле пяці артыкулаў:

арт. 369 (Абраза прадстаўніка ўлады);

арт. 389 (Пагроза ў дачыненні да суддзі);

арт. 368 (Абраза прэзідэнта Рэспублікі Беларусь);

арт. 391 (Абраза суддзі або народнага засядальніка);

арт. 364 (Пагроза прымянення гвалту ў дачыненні да прадстаўніка ўлады).

Яго справу павінны ў хуткім часе накіраваць у суд, паведамляюць праваабаронцы.

Нагадаем, хлопец мае інваліднасць другой групы, у яго чацвёртая стадыя рака, аднак яго ўжо 2,5 месяцы трымаюць у зняволенні. За кратамі стан здароўя Паўла пагоршыўся, пачаўся запаленчы працэс.