Цэслер зладзіў выставу сваіх прац у цэнтры Вільні

Уладзімір Цэслер выставіў свае пратэставыя плакаты ў Вільні. І падзяліўся, якую з уласных прац лічыць найбольш эмацыйна складанай.

Сусветныя дні беларускай культуры адкрыліся 7 ліпеня ў Вільні выставай плакатных прац Уладзіміра Цэслера. Экспазіцыя працягнецца на Ратушнай плошчы да 31 ліпеня ўключна.

На адкрыцці прысутнічала Святлана Ціханоўская са сваёй працоўнай камандай ды прадстаўнікі віленскай мэрыі, а завяршыўся вечар гучнай «Пагоняй» у супольным выкананні мужчынскага хору «Унія» і наведнікаў.

Таксама ў жывым эфір павітаў гледачоў выставы і сам Уладзімір Цэслер, які шчыра адказаў на пытанне: «Якая з вашых прац для вас найбольш эмацыйна складаная?». Творца адказаў, што гэта работа Loading.

Калі вы не змаглі прысутнічаць на адкрыцці — глядзіце фота.



Што яшчэ плануецца на Днях беларускай культуры сёлета?

Далучайцеся да іншых імпрэз у межах Дзён беларускай культуры, якія праходзяць у розных гарадах па ўсім свеце.

Напрыклад, у Вільні цягам ліпеня цягам ліпеня будуць паказваць беларускія спектаклі, ствараць перформансы, падаваць дранікі з квасам па спецыяльнай цане (ды коцікаў бонусам) і нават наліваць бчб-шоты.

Вы можаце паглядзець поўную мапу падзей і дадаць свой івэнт.

Чаму гэта важна? Беларусы, якія яднаюцца праз сваю культуру, адчуваюць больш моцы і падтрымкі адзін у адным, каб рабіць карысныя справы для ўзнаўлення міру, справядлівасці і свабоды як ва ўласнай краіне, так і там, куды завяло жыццё. Пра тое, чаму варта паўдзельнічаць у Днях беларускай культуры, глядзіце натхняльнае відэа. 

Паводле прэс-рэлізу.
Фота Антона Туркова


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: