Польшча на міжнароднай кніжнай выставе-кірмашы
Пасольства Рэспублікі Польшча ў Рэспубліцы Беларусь і Польскі Інстытут у Мінску запрашаюць наведаць польскі стэнд на XXIV Мінскай міжнароднай кніжнай выставе-кірмашы.
XXIV Мінская кніжная выстава будзе праходзіць у Нацыянальным выставачным павільёне «Белэкспа» (пр. Пераможцаў, 14) з 8 да 12 лютага 2017 года.
Гандлёвая частка стэнду прапануе для набыцця найцікавейшыя кнігі з Польшчы, а таксама кнігі польскіх аўтараў у перакладзе на беларускую і рускую мовы. Выставачная частка — прэзентацыя выданняў Польскага Інстытута ў Мінску і публікацый, рэкамендаваных да знаёмства і прачытання Інстытутам кнігі (Польшча).
На стэндзе можна будзе атрымаць інфармацыю пра Польшчу і польскі выдавецкі рынак, пра дзейнасць Польскага Інстытута ў Мінску, а таксама ўзяць удзел у конкурсах і прэзентацыях.
ПРАГРАМА МЕРАПРЫЕМСТВАЎ
10 лютага, пятніца
15:00–16:00 — Сустрэча і аўтограф-сесія з Анатолем Бутэвічам — аўтарам перакладу на беларускую мову рамана «Непераможны» польскага пісьменніка-фантаста Станіслава Лема. Польскі стэнд.
16:00–17:00 — Прэзентацыя беларускамоўнага выдання легендарнага рамана Тадэвуша Далэнгі-Мастовіча «Знахар».Польскі стэнд.
11 лютага, субота
10:00–11:00 — Аўтарская сустрэча з Яраславам Гжэндовічам — адным з самых папулярных сучасных польскіх пісьменнікаў-фантастаў. Канферэнцыйная зала.
14:00–15:00 — Прэзентацыя беларускамоўнага выдання кнігі Фларыяна Чарнышэвіча «Надбярэзінцы» — авантурнай меладраматычнай эпапеі пра драматычны лёс жыхароў шляхецкіх засценкаў на землях паміж Бярэзінай і Дняпром у 1911–1920 гадах. Канферэнцыйная зала
12 лютага, нядзеля
12:00–13:30 — Ілюстратарка дзіцячых кніг Моніка Хануляк з прэзентацыяй польскага выдавецтва „Wytwórnia” і мастацкім майстар-класам для дзетак (6–12 гадоў). Дзіцячая пляцоўка Нацыянальнага стэнда Беларусі.
Падрабязная інфармацыя на сайце і ў профілях Польскага Інстытута ў сацыяльных сетках:
www.facebook.com/instytutpolski.wminsku
www.vk.com/instytut_polski_w_minsku
Польскі стэнд арганізаваны Пасольствам Рэспублікі Польшча ў Рэспубліцы Беларусь і Польскім Інстытутам у Мінску сумесна з Інстытутам кнігі (Польшча) і фірмай Ars Polona. Партнёр стэнда: фірма UNIBEP.