Запрашаем на Тыдні Германіі–2016

Тыдні Германіі, якія ўжо сталі добрай традыцыяй і праводзяцца на працягу ўжо больш як 10 гадоў, у гэтым годзе пачнуцца 15 верасня і працягнуцца да 31 кастрычніка 2016 г.
Фота www.vremyan.ru

Фота www.vremyan.ru



Пасольства Федэратыўнай Рэспублікі Германія запрашае наведаць мерапрыемствы ўсіх, хто хоча пазнаёміцца з культурай, мовай і грамадствам Германіі.

Праграма запланавана надзвычай разнастайная: сярод мерапрыемстваў шасці захапляльных тыдняў, што ўключаюць кінапаказы, тэатральныя пастаноўкі і  канцэрты, паэтычны слэм, літаратурны калаж і аўтарскія чытанні, выставы, майстар-класы і семінары на актуальныя тэмы ў 11 гарадах Беларусі, кожны знойдзе што-небудзь сабе па гусце!

Сёлета адзначаецца асаблівы юбілей: 17 кастрычніка ў 10-ы раз стартуе Тыдзень нямецкай мовы і культуры ў Брэсце, які за гэты час стаў неад'емнай часткай Тыдняў Германіі, а таксама нямецкіх праектаў у сферы культуры ў Беларусі.

Тыдні Германіі праводзяцца Пасольствам Федэратыўнай Рэспублікі Германія сумесна з германскімі культурнымі пасярэднікамі і арганізацыямі ў галіне культуры ў Беларусі ў супрацоўніцтве з беларускімі партнёрамі.

Падрабязную і актуальную інфармацыю пра асобныя мерапрыемствы і арганізатараў можна знайсці на сайце www.minsk.diplo.de.

Паводле прэс-службы Пасольства Федэратыўнай Рэспублікі Германія ў Мінску


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: