Гітанас Наўседа: Царская Расія палявала на пастаўнцаў, як на дзікую жывёлу
Прэзідэнт Літвы падкрэсліў, што Паўстанне 1863–1864 гадоў доўгі час было складанай тэмай.
Гітанас Наўседа PAP/Piotr Nowak
Уздыманне паўстанцамі 1863–1864 гадоў ідэі грамадскіх правоў было знакам адкрытасці нашых народаў на сучаснасць — гаварыў прэзідэнт Літвы Гітанас Наўседа на ўрачыстасці перапахавання паўстанцаў у Вільні.
Наўседа падкрэсліў, што паўстанцы не згаджаліся на зняволенне сваёй Айчыны, а царская Расія палявала на іх, як на дзікую жывёлу:
— Целы ўдзельнікаў паўстання былі схаваныя, каб не свяцілі прыкладам і не натхнялі новыя пакаленні змагацца за свабоду. Аднак, мы пра гэта ніколі не забыліся.
Прэзідэнт Літвы падкрэсліў, што Паўстанне 1863–1864 гадоў доўгі час было складанай тэмай:
— Мы не былі ўпэўненыя, як сучасную Літву спалучыць са спадчынай гістарычнай Літвы. Пахаванне астанкаў паўстанцаў дазваляе нам па-новаму абдумаць ХІХ-вечную гісторыю Літвы і цэлага рэгіёну.
Гітанас Наўседа падкрэсліў, што сёння яшчэ можна пачуць меркаванне, што годнасць чалавека і свабода няшмат вартыя, але гісторыя ХХ стагоддзя паказвае, што рэпрэсіўныя рэжымы падаюць, патрэбнае толькі група адважных людзей.