Кіраўнікі МЗС "нармандскай чацвёркі" сустрэнуцца ў Берліне

Яны абмяркуюць рэалізацыю мінскіх дамоўленасцяў.



narmand_1304.jpg

Фота — МЗС Украіны

Увечары 13 красавіка ў Берліне пройдзе сустрэча прадстаўнікоў "нармандскай чацвёркі" — Нямеччыны, Расіі, Украіны, Францыі. Дзяржавы будуць прадстаўленыя кіраўнікамі МЗС, перадае БЕЛТА.

Асноўнай тэмай сустрэчы, як звычайна, будзе сітуацыя на ўсходзе Украіны і працэс рэалізацыі мінскіх дамоўленасцяў.

Палітычныя назіральнікі мяркуюць, што сённяшняя сустрэча можа пачаць новы этап мірных дамоваў. Следам за спыненнем агню і адводам цяжкіх узбраенняў павінна пачацца выкананне палітычнай часткі мінскіх дамоваў.

euroradio.by