Меркель будзе абмяркоўваць Беларусь у Маскве

Канцлерка Германіі Ангела Меркель падчас візіту ў Расію мае намер абмеркаваць сітуацыю ў Беларусі. Пра гэта паведаміў афіцыйны прадстаўнік урада ФРГ Штэфен Зайберт. Ён таксама назваў сярод тэм канфлікт на ўсходзе Украіны.

«Гаворка будзе ісці дакладна пра буйныя міжнародныя тэмы: пра канфлікт на ўсходзе Украіны, для вырашэння якога Расія можа зрабіць больш, чым робіць, пра Беларусь», — цытуе яго REFORM.by са спасылкай на ТАСС.

Таксама можа быць закранутая тэма Афганістана.

Ангела Меркель у найбліжэйшы тыдзень мае намер паслядоўна наведаць Маскву і Кіеў.