Пад «экспартныя санкцыі» можа патрапіць нафтавая галіна Беларусі

Еўрасаюз разглядае варыянты санкцый, якія абмяжоўваюць экспарт з Беларусі. Пра гэта заявілі ў МЗС Літвы.

Міністр замежных спраў Літвы Габрыэлюс Ландсбергіс выказаўся за ўвядзенне сектаральных санкцый у дачыненні да Беларусі: «Мы, перарываючы эканамічныя стасункі, фактычна павінны ўвесці санкцыі ў дачыненні да кампаній, якія гандлююць з гэтай краінай... Мы за найхутчэйшае прыняцце чацвёртага пакета санкцый і за пачатак дыскусій аб пятым пакеце, які ахопіць і пэўныя сектары — нафтавы, дзе назіраецца маштабны гандаль з ЕС».

У сваю чаргу, намеснік кіраўніка знешнепалітычнага ведамства краіны Мантас Адаменас удакладніў у эфіры «Эхо Москвы», што экспартныя абмежаванні могуць закрануць не толькі нафтавую сферу, але і ўгнаенні, прадукцыю машынабудавання, і ўключаць «тэхналогіі, якія паступаюць у Беларусь з Еўропы і абмежаванне фінансавых механізмаў».

Паводле «Салідарнасці».