Парашэнка ставіцца да сустрэчы ў Мінску з «асцярожным аптымізмам»

Прэзідэнт Пётр Парашэнка гатовы зрабіць усё магчымае для спынення вайны на ўсходзе Украіны.



asciarozny_aptymizm.jpg

Пра гэта ён сказаў на брыфінгу пасля паседжання камісіі «Украіна - НАТА» з удзелам кіраўнікоў дзяржаў і ўрадаў краін-чальцоў НАТА. 
«Украіна змагаецца за мір. Украіна не была ініцыятарам вайны. Украіны з'яўляецца аб'ектам агрэсіі, і мы стараемся зрабіць усё магчымае для неадкладнага спынення агрэсіі і агню. Чаму? Таму што менавіта Украіна плаціць самую высокую цану, кожны дзень губляючы жыцця салдат, мірных грамадзян, і я, як прэзідэнт Украіны, раблю усё, што ад мяне залежыць, каб спыніць вайну», - сказаў Парашэнка. 
Разам з тым ён падкрэсліў, што з асцярожным аптымізмам ставіцца да сустрэчы трохбаковай кантактнай групы па ўрэгуляванні сітуацыі на Данбасе з удзелам Украіны, Расіі і Арганізацыі па бяспецы і супрацоўніцтву ў Еўропе (АБСЕ) у Беларусі 5 верасня. 
Кіраўнік дзяржавы лічыць, што неадкладнае вызваленне ўсіх закладнікаў, якія ўтрымліваюцца тэрарыстамі, аднаўленне кантролю на мяжы і вываду расійскіх войскаў з тэрыторыі Украіны з'яўляюцца вельмі складанымі пытаннямі для правядзення палітычных перамоваў. 
Парашэнка нагадаў, што пытанне суверэнітэту, тэрытарыяльнай цэласнасці і незалежнасці Украіны не могуць служыць тэмамі для перамоваў.
pravda.com.ua