Украіна дасягнула дамоўленасцей па пастаўках высокадакладнай зброі

На перамовах, якія прайшлі ў Уэльсе на палях саміту НАТА, была дасягнутая дамоўленасць аб пастаўках ва Украіну высокадакладнай зброі.



Пра гэта паведаміў прэзідэнт Пётр Парашэнка на сумеснай прэс-канферэнцыі з Генсекам альянсу Андэрсам Фог Расмусэнам. 
«Дасягнута дамоўленасць на двухбаковым узроўні (з краінамі-чальцамі НАТА) адносна ваенна-тэхнічнага супрацоўніцтва, у тым ліку аб пастаўках несмяротнага і смяротнага ўзбраення, уключаючы высокадакладную зброю», — заявіў кіраўнік украінскай дзяржавы. 
Парашэнка асобна падкрэсліў, што гэтая дамоўленасць дасягнутая не з альянсам у цэлым, а з канкрэтнымі краінамі-удзельніцамі альянсу. 
Між тым, НАТА не мае пярэчанняў у дачыненні да такіх паставак і нават заахвочвае іх. «У рэзалюцыі камісіі Украіна-НАТА будуць словы аб заахвочванні ваенна-тэхнічнага супрацоўніцтва», — адзначыў прэзідэнт. 
Пётр Парашэнка не ўдакладніў, з якімі менавіта краінамі ён дамовіўся аб ваеннай дапамозе. Вядома, што ў чацвер ён праводзіў сустрэчы з лідэрамі ЗША, Германіі, Францыі, Італіі, Вялікабрытаніі і Канады.
eurointegration.com.ua