Павел Усаў: У Казахстане — новы елбасы
«Назарбаеў пагадзіўся з новым палітычным ладам у Казахстане», — так палітолаг Павел Усаў у сваім тэлеграм-канале выказаўся наконт звароту Назарбаева.
Фота: РИА Новости
— Назарбаеў пагадзіўся з новым палітычным ладам у Казахстане. Выступіў са зваротам (прачытаў), толькі для таго, каб канчаткова прызнаць Такаева елбасы. У сваёй развітальнай прамове ўскосна пацвердзіў, што ў перыяд пратэстаў у краіне праходзіла вайна кланаў, з прычыны слабасці дыктатара.
«Таму ніякага канфлікту або супрацьстаяння ў эліце няма. Чуткі на гэтую тэму абсалютна беспадстаўныя».
Такім чынам, у Казахстане адбылася кланавая рэвалюцыя. Па стане Назарбаева відаць, што яго ўжо мала хвалюе будучыня, магчыма яго з'яўленнем «сям'я» спрабуе выгандлеваць сабе гарантыі бяспекі.