Польшча пачне прымаць заявы беларусаў на гуманітарныя ВНЖ з 8 ліпеня

Інфармацыю пра прыём заяў на польскі гуманітарны ВНЖ дае Офіс Ціханоўскай.

Ваяводскія ўпраўленні ў Польшчы пачнуць прыём заяў на выдачу відаў на жыхарства па гуманітарных прычынах з 8 ліпеня, паведамляе офіс Святланы Ціханоўскай са спасылкай на МУС краіны.

З 1 жніўня чакаецца пачатак выдачы гуманітарных віз у Варшаве для беларусаў, якія прыбылі з Украіны без віз, з верасня — у Беластоку, Любліне і Познані. Агавораныя і праблемы запісу на візы ў Беларусі.

Нагадаем, пасля аднаго з апошніх візітаў Святланы Ціханоўскай, прадстаўнікоў яе офіса і НАУ, пры МУС Польшчы была створана спецыяльная рабочая група. Былі распрацаваны і ўнесены папраўкі ў польскае заканадаўства, якія маюць на ўвазе выдачу беларусам відаў на жыхарства па гуманітарных прычынах, а таксама выдачу гуманітарных віз непасрэдна на тэрыторыі краіны беларусам, уцекачам у Польшчу з Украіны з-за вайны.

Паводле reform.by.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: