Старшыня Еўрасавета: Мы працягваем падтрымліваць народ Беларусі

Cтаршыня Еўрасавета Шарль Мішэль павіншаваў Святлану Ціханоўскую, Вераніку Цапкала і Марыю Калеснікаву з атрыманнем прэстыжнай міжнароднай прэміі Карла Вялікага. «Гэта даніна павагі вашай нястомнай і мужнай барацьбе за свабоду», — напісаў ён у Twitter.

Шарль Мішэль падкрэсліў: «Мы працягваем падтрымліваць народ Беларусі сёння і заўтра».

Урачыстая цырымонія ўручэння прэміі прайшла 26 траўня ў Германіі. Калеснікава — беларуская палітзняволеная. Яе прадстаўляла яе сястра Таццяна Хоміч.

Паводле «Еўрарадыё».