Святлана Ціханоўская паабяцала кожны тыдзень справаздачыцца перад беларусамі

Справаздача за апошні тыдзень студзеня ўжо з'явілася.

Святлана Ціханоўская паабяцала кожны тыдзень справаздачыцца перад беларусамі і распавядаць пра тое, што паспеў зрабіць за сем дзён яе офіс. Справаздача за 31 студзеня выглядае так: 
- Ціханоўская сустрэлася з прадстаўнікамі студэнтаў, дактароў, мясцовых супольнасцяў, каб абмеркаваць сумесную стратэгію і план дзеянняў.
- Сустрэлася з прэм'ерам Літвы Інгрыдай Шыманіце, правяла сустрэчу з міністрамі замежных спраў Францыі, Румыніі, Польшчы, Літвы. Устанавіла першы афіцыйны кантакт з Украінай.
- Звязалася з міністэрствамі замежных спраў краін ЕС з нагоды выключэння БТ з Еўрапейскага вяшчальнага саюза.
- Запушчана стварэнне інструмента міжнароднага расследавання парушэнняў правоў чалавека ў Беларусі.
- ЕС перададзены спіс імёнаў для ўнясення ў санкцыйныя спісы.