Амерыканская баскетбалістка, якая гуляла за зборную РБ: «Я вельмі расчараваная беларускім пашпартам»

Ліндсэй Хардынг, першая натуралізаваная амерыканка ў складзе жаночай зборнай Беларусі па баскетболе, у інтэрв'ю найбуйнейшаму беларускаму парталу расказала пра сваё стаўленне да Пуціна і Лукашэнкі і падтрымала Кацярыну Сныціну і Алену Леўчанку.

hardinh.jpg

«Пуцін — забойца, — сказала Ліндсэй Хардынг. — Ён пачаў вайну без усялякіх прычын. Жахліва! Любая смерць узрушае. Але, напэўна, кадры з целамі загінуўшых дзяцей зрабілі самае моцнае ўражанне. Хтосьці сустрэў смерць у сваёй хаце, хтосьці проста ішоў па вуліцы… Мне цяжка падабраць падыходзячыя словы.

Я не здзіўленая дзеяннямі Лукашэнкі. Яму не падабаліся пратэсты супраць яго пасля выбараў у 2020 годзе. З таго часу ён толькі ўтрымлівае ўладу і пазбаўляецца ад нязгодных. Рэжым арыштоўваў невінаватых людзей, у тым ліку маю былую аднаклубніцу і партнёрку па зборнай Алену Леўчанка.

Леўчанка змагалася за свае правы і правы свайго народа, які хацеў перамен. Алена не павінна была апынуцца ў турме! Нажаль, такое здараецца, калі дамагаешся справядлівасці ў супрацьстаянні са злом. Але тая сітуацыя шмат чаго сказала пра мужнасць Леўчанкі. Ганаруся ёй! Як і Кацяй Сныцінай, якая адразу выступіла супраць дзеянняў Лукашэнкі. І яны працягваюць змагацца, як і ўсе вольныя беларусы.

Я вельмі расчараваная беларускім пашпартам. Цяжка думаць аб тым, што правяла час у Беларусі і была сярод людзей, якія могуць падтрымліваць Лукашэнку і вайну. Гэта не ўкладваецца ў галаве».