Міжнародны саюз біятланістаў прыпыніў сяброўства Беларусі і Расіі ў арганізацыі

Міжнародны саюз біятланістаў (IBU) прыпыніў членства Саюза біятланістаў Расіі (СБР) і Беларускай федэрацыі біятлона (БФБ) у арганізацыі, паведамляе sports.ru. Гэта значна ўзмацняе ізаляцыю спартоўцаў дзвюх краін ад сусветнай біятлоннай супольнасці.

«Абедзьве федэрацыі парушылі гуманітарныя абавязацельствы федэрацый-членаў у адпаведнасці з канстытуцыяй IBU. Гэтыя парушэнні наносяць шкоду рэпутацыі IBU і ўсяму біятлону, а іх актыўнае сяброўства падарве намаганні IBU і яго членаў па прасоўванні сваіх канстытуцыйных прынцыпаў і мэтаў.

Выканкам будзе вельмі ўважліва сачыць за развіццём гэтай сітуацыі і пераглядаць гэтае рашэнне ў выпадку змены абставінаў. Рашэнне таксама павінна быць разгледжана Кангрэсам IBU на яго пасяджэнні 15-19 верасня 2022 года, калі яно не будзе адменена раней выканкамам IBU», — гаворыцца ў паведамленні IBU.

Раней IBU адхіліў ўсіх расійскіх і беларускіх спартсменаў ад спаборніцтваў.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: