Аўстралія акажа Украіне ваенную падтрымку і забароніць імпарт расійскага золата

Прэм'ер-міністр Аўстраліі Энтані Албаніз падчас сустрэчы з прэзідэнтам Украіны Уладзімірам Зяленскім у Кіеве паабяцаў аказаць украінскай арміі дадатковую ваенную падтрымку.
Падчас прэс-канферэнцыі па выніках перамоваў Албаніз заявіў, што Аўстралія накіруе ваенную дапамогу ў памеры 100 млн долараў. Пры гэтым ён не ўдакладніў, пра якія долары ідзе гаворка — амерыканскія ці аўстралійскія. Калі меліся на ўвазе аўстралійскія даляры, то ў амерыканскай валюце сума падтрымкі складзе каля $68 млн.

Албаніз удакладніў, што Аўстралія паставіць Украіне дадатковую ваенную тэхніку, у тым ліку бронетранспарцёры і беспілотнікі.

Таксама ён заявіў, што Аўстралія мае намер забараніць імпарт расійскага золата, а таксама ўвесці санкцыі супраць 16 расійскіх міністраў і алігархаў. Такім чынам, колькасць расейцаў, якія знаходзяцца пад санкцыямі Аўстраліі, дасягне 843 чалавек.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: