ЗША пацвердзілі, што адправяць Украіне сістэмы NASAMS

Украінскі бок прасіў паставіць яму гэтыя комплексы ўжо доўгі час.

ЗША накіруюць Украіне перадавыя сістэмы супрацьракетнай абароны NASAMS. Яны стануць часткай новага пакета ваеннай дапамогі Украіне агульнай сумай $820 000 000, аб якім Пентагон абвясціў на гэтым тыдні.
Згодна з дакументам, ЗША адправяць Украіне дзве сістэмы NASAMS.
Украінскі бок прасіў паставіць яму гэтыя комплексы ўжо доўгі час.
Кіраўнік украінскага мінабароны Аляксей Рэзнікаў выказаў падзяку прэзідэнту ЗША Джо Байдэну і кіраўніку Пентагона Лойду Осціну за рашэнне паставіць NASAMS украінскай арміі.
«Гэта павялічвае нашы магчымасці па абароне нашай зямлі і неба», — напісаў ён.