Беларусы ў Шчэціне абвясцілі другую акцыю за незалежнасць
Першы пікет за незалежнасць Беларусі прайшоў у польскім Шчэціне 15 снежня. Акрамя пратэсту супраць інтэграцыі Беларусі і Расіі ўдзельнікі акцыі прадэманстравалі таксама салідарнасць з палітвязнямі.
![79405917_605419186896057_7450522052324229120_n_logo.jpg 79405917_605419186896057_7450522052324229120_n_logo.jpg](/img/v1/images/79405917_605419186896057_7450522052324229120_n_logo.jpg?f=f&h=396&o=0&u=1715395350&w=528)
Па словах суарганізатара акцыі Францішка Цярэшкі, яна была «скіраваная за незалежнасць, супраць так званай інтэграцыі, якая мае на мэце знішчэнне незалежнасці Беларусі! Таксама мы салідарныя з палітвязнямі: Пятром Маркелавым, які атрымаў 14 содняў за выкрыццё факту фальсіфікацыі парламентскіх выбараў у Беларусі. Таксама за Нааму Ісахар, ізраільцянку, якая была незаконна выкрадзеная і арыштаваная расейскімі ўладамі.
“Тут месціўся Расійскі кансулат. Яшчэ напярэдадні нашай акцыі тут была адпаведная таблічка, якая незадоўга да акцыі знікла”.
![79919077_2882934405074292_8736147111390740480_n_logo.jpg 79919077_2882934405074292_8736147111390740480_n_logo.jpg](/img/v1/images/79919077_2882934405074292_8736147111390740480_n_logo.jpg?f=f&h=396&o=0&u=1715395350&w=528)
Акцыя прайшла шчэцінскімі вуліцамі. Былі раздадзеныя ўлёткі “Za naszą i waszą wolność”, скандаваліся заклікі: "Mińsk-Warszawa – wspólna sprawa”, "Жыве Беларусь!". Маладзёны спявал нацыянальныя гімны “Пагоня” і “Магутны Божа”.
Францішак Цярэшка паведаміў, што наступная акцыя ў абарону незалежнасці і канцэрт адбудуцца ў Шчэціне 20 снежня а 18-й гадзіне.