Чыстка ў Казахстане. Такаеў звольніў сваяка Назарбаева з пасады кіраўніка ЦВК

Прэзідэнт Казахстана Касым-Жамарт Такаеў звольніў Берыка Імашава з пасады старшыні Цэнтральнай выбарчай камісіі (ЦВК). Новым кіраўніком ЦВК прызначаны сенатар Нурлан Абдзіраў.

Імашаў з'яўляецца сваяком першага прэзідэнта Казахстана Нурсултана Назарбаева. Ён сват яго старэйшай дачкі, дэпутаткі Дарыгі Назарбаевай.

Раней два зяці Назарбаева былі звольненыя з кампаній «Казтрансгаз» і «Казтрансойл». Муж сярэдняй дачкі былога прэзідэнта сышоў з пасады кіраўніка Нацыянальнай палаты прадпрымальнікаў «Атамекен».

Паводле lenta.ru.