Дасье ў карыкатурах. Рубель амаль «двухсоты»

Увесь мінулы тыдзень расійскія ўлады спрабавалі стабілізаваць курс рубля. Інтэрнэт у сваю чаргу рэагаваў на абвал рубля і намаганні ўрада мемамі, фотажабамі, дэматыватарамі.

Доўгі час адносна стабільны курс рубля на фоне знешніх санкцыяў быў амаль прадметам гонару Крамля. Гэта выявілася ў змесце фотажаб праўладных карыстальнікаў сацсетак.

Аднак па ходзе лета рубель пачаў на вачах слабець. Адразу з'явіліся тэматычныя фотажабы.

Нарэшце, 14 жніўня курс долара перавысіў 100 рублёў упершыню з 23 сакавіка 2022 года. Відавочна, што падобныя біржавыя навіны сталі аплявухай для рэжыму. Менавіта Пуціна і яго атачэнне высмейвалі ў сетках. Зрэшты, некаторыя дапусцілі, што падзенне рубля — гэта не што іншае як праява клопату ўрада аб народзе.

Увесь тыдзень пуцінскія банкіры і фінансісты змагаліся за ўмацаванне валюты. Не засталіся ўбаку і юзеры. Яны прапанавалі ўладам вярнуцца да правераных рэцэптаў навядзення парадку ва ўсіх абласцях.

Пакуль улады спрабавалі збіць курс долара, у сетках прапанавалі не марнаваць час дарма, а адразу перайсці на новую валюту. Адпаведна з'явіліся і варыянты новых банкнот.

Некаторыя лічаць, што трэба наогул адмаўляцца ад рубля на карысць новай валюты.

Дзіўным чынам, але крах рубля адбываўся на фоне запуску расійскай ракеты на Месяц. Па меркаванні шматлікіх людзей, гэта было не выпадковае супадзенне.

Трэба прызнацца, што да канца тыдня рубель паспеў трошкі ўмацавацца, а долар апусціцца, але жарты і мемы на тэму долара за сто рублёў ужо застануцца з намі. А некаторыя жарты, напэўна, будуць запатрабаваны падчас чарговага непазбежнага падзення рубля. Напрыклад, вось гэты.