Der Spiegel: Нямецкія памагатыя Пуціна

Крамлёўская прапаганда стварыла велізарны лік уяўных экспертаў, якія распавядаюць расійцам праз расійскія СМІ, што Нямеччына нібыта ўстала на бок Расіі ва ўкраінскім пытанні, хоць на самай справе гэта не так, піша нямецкі часопіс Der Spiegel. Апроч іх, расійцаў дураць фанатыкі тэорый змовы і антысеміты.



prisrak.jpg

«Так, напрыклад, ці ведаеце вы нямецкага прафесара і кіраўніка аднаго вядомага інстытута, якога завуць Лорэнц Хааг, і які настолькі разумны, што каментуе пытанні палітыкі, эканомікі, касманаўтыкі і анэксію Крыма? — Задаюць пытанне сваім нямецкім чытачам аўтары матэрыялу. — Не? Тады вы, па гледзячы па ўсяму, проста не чытаеце расійскіх газет, таму што на іх старонках так званага нямецкага прафесара Хаага нярэдка друкуюць у загалоўках». Асабліва часта яго выказванні цытуе расійскае дзяржаўнае інфармагенцтва «ІТАР-ТАСС», паколькі Хааг кажа тое, што хочуць пачуць у Расіі. У адным з выказванняў Хаага, напрыклад, гаворыцца пра тое, што «ў Нямеччыне з разуменнем ставяцца да пазіцыі Расіі і Крыма».

Між тым у Германіі, як падкрэслівае выданне, гэты «эксперт — фантом: за апошнія 25 гадоў ні ў адной нямецкай газеце няма згадкі пра яго. Таксама невядома, у якім інстытуце працуе гэты немец».

Пры гэтым Хааг — не адзіны ў сваім родзе, працягвае Der Spiegel. «Эксперты-самазванцы карыстаюцца вялікай папулярнасцю ў расійскіх СМІ. Яшчэ адзін прыклад — Крыстоф Хорстэль. На самай справе гэты немец — прыхільнік праварадыкальных ідэй, які аднойчы абвінаваціў канцлера Германіі Меркель у дзяржаўнай здрадзе. Аднак інфармагенцтва РІА «Новости», якое ўваходзіць у медыя-холдынг Крамля, называе яго «дарадцам Федэральнага ўрада Германіі». А тэлеканал Russia Today (так у тэксце; цяперашняя назва кампаніі — RT. — Заўвага. рэд.), які вяшчае за мяжой, часта агучвае каментары «былога супрацоўніка вядучых нямецкіх тэлеканалаў» Кена Йебсена, які выкрывае антырасійскія тэндэнцыі на нямецкім тэлебачанні. Па словах Йебсена нямецкія каналы ARD і ZDF настройваюць немцаў супраць Расіі. «І сапраўды, Йебсен працаваў вядучым, але на радыё RBB, — адзначае выданне. — Але яго звольнілі за антысеміцкія выказванні, а Russia Today нічога пра гэта не распавядае».

Наступнага «нямецкага палітолага» клічуць Керт Майер. Расійскі прапагандысцкі партал «Украина.ру» прыводзіць яго словы пра тое, што «ў Германіі забаронена падтрымліваць Пуціна». Тым не менш, у нямецкіх архівах палітолага з такім імём проста не знайшлося, а сам партал пакінуў без адказу просьбу Der Spiegel даць яму кантакты гэтага Маера.

Дарэчы, пад аўтарствам Майера ў расійскай газеце «Маскоўскі камсамолец» выйшаў яшчэ адзін вельмі папулярны артыкул, у якім распавядаецца пра тое, што ўрад ФРГ нібыта можа даказаць, што збіты над Украінай «Боінг» быў знішчаны не сістэмай «Бук», а ўкраінскай батарэяй C-125 «Нява», што нібыта пацвярджаюць дадзеныя нямецкіх радыёлакацыйных сістэм. Хоць у рэчаіснасці, як дадае Der Spiegel, у адказе нямецкага ўрад на запыт «левых» гаварылася, што «якіх-небудзь дакладных звестак аб ўжыванні ракет у іх не было: у дзень катастрофы самалёты АВАКС зарэгістравалі неўсталяваны сігнал з радара. Акрамя яго, паступалі сігналы з батарэі С-125, але ў гэтым раёне сігнал з гэтай батарэі паступае заўсёды».