Дзве асобы загінулі ў выніку ўзброенага нападу ў Фінляндыі

Два чалавекі загінулі, сем пацярпелі пасля таго, як невядомы параніў ў пятніцу нажом некалькіх мінакоў у цэнтры Турку. Пра гэта паведаміў на прэс-канферэнцыі прадстаўнік паліцыі Фінляндыі.

«Мы можам пацвердзиць, што гэта дзевяць чалавек. Двое з іх памерлі», — сказаў ён.
У ведамстве адзначылі, што ў рамках расследавання тэракту ёсць адзін падазраваны. Цяпер ён знаходзіцца ў шпіталі. Паводле звестак МУС, ён не з'яўляецца грамадзянінам Фінляндыі, піша ТАСС.
Паліцыянты ў фінскім горадзе Турку (ён жа Або) адкрылі агонь па мужчыну, які да гэтага ўдарыў нажом некалькі чалавек, пасля чаго затрымалі яго. Паведамляецца, што нападнік паранены ў нагу, паведамляе Бі-бі-сі.
Паводле інфармацыі праваахоўных органаў, інцыдэнт адбыўся на гандлёвай плошчы Пууторы ў цэнтры горада.
Газета Ilta Sanomat піша са спасылкай на відавочцаў, што ў Турку мужчына, узброены нажом, напаў на мінакоў, «спрабуючы ўдарыць нажом ўсіх сустрэчных».
Выданне паведамляе са спасылкай на відавочцаў, што мужчына напаў на жанчыну з дзіцячай каляскай.
Фінская вяшчальная кампанія YLE паведамляе са спасылкай на відавочцаў, што ў цэнтры горада на плошчы ляжыць чалавек без прыкмет жыцця, яшчэ два чалавекі параненыя.
Перад гэтым былі чуваць «стрэл ці стрэлы», піша YLE. Паліцыя просіць гараджан пазбягаць цэнтра Турку.
Напярэдадні па меншай меры 14 чалавек загінулі і каля 130 атрымалі траўмы пад коламі фургона, які праехаў больш за 500 метраў па пешаходным бульвары Рамбла ў турыстычным цэнтры Барселоны.
Паводле «Нашай Нівы»