Юрый Дудзь прадае кватэру ў Маскве. Разам з сям'ёй блогер пакінуў Расію

Вядомы расійскі журналіст і блогер Юрый Дудзь выставіў на продаж сваю кватэру ў Маскве. Пасля таго, як Расія развязала поўнамаштабную вайну на тэрыторыі Украіны, ён з'ехаў у іншую краіну і, мабыць, не плануе вяртацца на радзіму.

Аб продажы паведаміў нейкі Сяргей Арфараў. Менавіта ён выставіў у instagram аб'яву аб продажы нерухомасці і паказаў фатаграфіі. Карыстальнікі даведаліся некаторыя лакацыі з гэтай кватэры, бо там Юрый нярэдка здымаў рэкламы для сваіх выпускаў на YouTube-канале.

«Прадаецца кватэра з адной з самых магутных энергетык. У квартале Данілаўская мануфактура, метро Тульская. 50 кв. м агульнай плошчы. 4-ты паверх з 4-х. Побач рака Масква», — гаворыцца ў допісе.

Тэрыторыя пад аховай, відэаназіранне, шлагбаўмы, прапускная сістэма. Інфраструктура: кафэ, бары, рэстараны, крамы", — таксама сказана ў апісанні.

Сам Юрый Дудзь яшчэ не каментаваў продаж ўласнага жылля. Прыхільнікі мяркуюць, што блогер больш не плануе вяртацца ў Расію.

Нагадаем, Юрый Дудзь заклікаў атачэнне Пуціна спыніць вайну супраць Украіны.

Паводле unian.net.