КНДР і Паўднёвая Карэя абмяняліся стрэламі на моры

Паўночная і Паўднёвая Карэя раніцай 24 кастрычніка абмяняліся папераджальнымі стрэламі ля заходняга ўзбярэжжа. Бакі абвінавацілі адзін аднаго ў парушэнні марской мяжы на фоне павышанай ваеннай напружанасці, паведамляе Reuters са спасылкай на вайскоўцаў абедзвюх краін.

Аб'яднаны камітэт начальнікаў штабоў Паўднёвай Карэі заявіў, што інцыдэнт здарыўся а 3.40 па мясцовым часе. Паўночнакарэйскае гандлёвае судна перасекла Паўночную размежавальную лінію, якая дэ-факта з'яўляецца марской мяжой паміж краінамі. З боку паўднёвакарэйскіх вайскоўцаў рушыла ўслед папярэджанне, а затым і папераджальныя стрэлы, каб адагнаць судна.
Паўднёвая Карэя абвінаваціла КНДР у парушэнні двухбаковага ваеннага пакта 2018 года, які забараняе «варожыя дзеянні» ў прамежных раёнах, а таксама заклікала «спыніць правакацыі», якія "наносяць шкоду міру і стабільнасці на Карэйскай паўвыспе».
У сваю чаргу ў паўночнакарэйскай арміі заявілі, што выпусцілі 10 артылерыйскіх снарадаў пасля таго, як паўднёвакарэйскі ваенны карабель парушыў размежавальную лінію і зрабіў папераджальныя стрэлы «пад маркай высочвання неапазнанага карабля».
У апошнія тыдні Паўночная Карэя некалькі разоў запускала балістычныя ракеты малой далёкасці і сотні артылерыйскіх снарадаў са свайго ўсходняга і заходняга ўзбярэжжа.
На мінулым тыдні войскі Паўднёвай Карэі распачалі штогадовыя вучэнні па абароне, у тым ліку сумесныя з ЗША, якія працягнуцца да 28 кастрычніка. Пхеньян назваў вучэнні правакацыяй і прыгразіў мерамі ў адказ, аднак Сеул і Вашынгтон заяўляюць, што вучэнні носяць абарончы характар ​​і скіраваны на стрымліванне ракетных і ядзерных пагроз з Поўначы.