Макрон, Шольц і Дуда назвалі сваімі мэтамі прадухіленне вайны

Прэзідэнты Францыі і Польшчы Эмануэль Макрон і Анджэй Дуда, а таксама канцлер Германіі Олаф Шольц назвалі сваёй агульнай задачай прадухіленне вайны. Пра гэта яны заявілі на сустрэчы ў веймарскім фармаце.


Канцлер Шольц падкрэсліў, што ў бягучым паўгоддзі Германія старшынюе ў Вялікай сямёрцы, Францыя — у Савеце ЕС, а Польшча — у АБСЕ. У выніку тры краіны нясуць асаблівую адказнасць за глабальныя пытанні бяспекі Еўропы, паведамляе REFORM.by.

«Ва ўсіх нас ёсць адна агульная мэта — захаванне міру ў Еўропе шляхам дыпламатыі і праз ясныя паведамленні і гатоўнасць да сумесных дзеянняў», — сказаў Шольц.

Шольц таксама дэклараваў, што Расія сутыкнецца з сур'ёзнымі палітычнымі, эканамічнымі і геастратэгічнымі наступствамі ў выпадку агрэсіі супраць Украіны. Ён адзначыў, што ўслед за Эмануэлем Макронам на наступным тыдні адправіцца ў Маскву і Кіеў.

У сваю чаргу Макрон падкрэсліў, што веймарскіх фармат дэманструе волю да ўніфікацыі стратэгіі трох найбуйнейшых еўрапейскіх краін.

«Мэта даволі простая — гэта прадухіленне вайны. Мір важней за ўсё для нашага кантынента. Наша мэта — захаваць гэты мір. Другая мэта — умацаваць адзінства еўрапейцаў. Трэцяя мэта — абарона прынцыпаў, якія робяць Еўропу такой, якой яна была на працягу трыццаці гадоў», — сказаў Макрон.

Аб неабходнасці знайсці рашэнне бягучага крызісу заявіў і прэзідэнт Польшчы Анджэй Дуда.

«Мы павінны знайсці рашэнне, каб пазбегнуць вайны — гэта наша асноўная задача. Я веру, што мы гэта зробім. На мой погляд, сёння самае галоўнае — гэта адзінства і салідарнасць. Мы павінны паказаць, што мы гаворым адным голасам. Мы павінны паказаць, што мы супольнасць, мы павінны паказаць, што нас нельга зламаць, і, на мой погляд, мы таксама павінны паказаць, што не саступім і не пакінем кагосьці толькі таму, што баімся, што не зможам дамагчыся міру», — сказаў ён.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: