Макрон застаецца прэзідэнтам Францыі. Ле Пэн прызнала паразу

Паводле ацэнак сацыёлагаў з Ipsos Sopra-Steria, у другім туры выбараў прэзідэнта Францыі, які адбыўся ў нядзелю, 24 красавіка 2022 года, Макрон набраў 58,2% галасоў выбаршчыкаў.


Такое паведамленне апублікавала французскае грамадскае вяшчанне FranceInfo.

«Марын Ле Пэн палепшыла свой вынік 2017 года на 8%, але ўсё роўна засталася ззаду з 41,8% галасоў», — адзначаецца ў паведамленні.

Вынікі экзіт-полаў пачалі аб'яўляць у 20:00 па Парыжы (у 21:00 па Мінску).

Пры гэтым па стане на 17:00 яўка ў гэтым другім туры склала 63,23%, што амаль на 2% менш чым у першым туры (65%).

Такім чынам Макрон ва ўзросце ўсяго 44 гадоў становіцца самым маладым прэзідэнтам, паўторна абраным на пасаду з моманту ўвядзення ўсеагульнага прамога выбарчага права ў 1962 годзе. У 2017 годзе Макрон перамог з розніцай 66% на 34%.

Ле Пэн заявіла, што прызнае сваю паразу на выбарах прэзідэнта Францыі «нягледзячы на два тыдні несправядлівых і гвалтоўных метадаў». Свой вынік яна назвала поспехам і адзначыла, што працягне выконваць свае абавязацельствы перад французамі.

Паводле УНІАН



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: