Названы самыя чыстыя пляжы Еўропы

Апублікавана свежая справаздача па выніках штогадовага даследавання Еўрапейскага агенцтва па навакольным асяроддзі і Еўракамісіі.

У рамках даследавання быў праведзены аналіз вады ў больш чым 21 000 афіцыйна зарэгістраваных зон для купання, куды ўваходзілі як месца на ўзбярэжжы, так і ва ўнутраных вадаёмаў, паведамляе nat-geo.ru. Спецыялісты шукалі сляды забруджвання бытавымі сцёкавымі водамі, адходамі прадпрыемстваў, ферм і сельскіх гаспадарак.
Высветлілася, што 96,3% вывучаных пляжаў адпавядаюць мінімальным стандартам якасці, 85,1% — высокім стандартам. Такім чынам, выяўлена станоўчая дынаміка ў параўнанні з вынікамі папярэдняга даследавання — на 0,2% і 1,1% адпаведна.
Стопрацэнтны вынік паказалі пляжы Люксембурга. Далей размясціліся Кіпр і Мальта (99%), Грэцыя (97%) і Аўстрыя (95%).
Паглядзець на якасць вады ў розных краінах можна на інтэрактыўнай карце, створанай экспертамі Еўрапейскага агенцтва па навакольным асяроддзі.