Неабыякавыя беларусы Філадэльфіі правялі акцыю ў падтрымку казахскага народа
Удзельнікі акцыі выказалі салідарнасць з казахскімі патрыётамі ў іх барацьбе за незалежнасць Радзімы і абароне краіны ад маскоўскай агрэсіі.
Беларусы выказалі меркаванне, што гэта барацьба мае вялікае значэнне для суседніх краін, бо вораг для ўсіх агульны — імперская Масква. Сёння захопнікі забіваюць у Алмаце, а заўтра яны прыйдуць і на нашы падворкі.
Казахі паўсталі за лепшую долю. Беларусы Філадэльфіі падтрымліваюць казахскі народ у ягонай барацьбе з аджылай дыктатурай і здрадай, у змаганні за Айчыну і свабоду, паведамляецца ў сацсетках.
