Пётр Парашэнка: Адбылося ўвядзеньне расійскіх войскаў ва Украіну

Прэзідэнт Пётр Парашэнка ў сувязі з рэзкім абвастрэннем сітуацыі ў Данецкай вобласці адмяніў візіт у Турцыю і абвясціў аб скліканні экстраннага пасяджэння СНБА.



Пра гэта паведамляе прэс-служба прэзідэнта. 
«Я прыняў рашэнне адмяніць працоўны візіт у Турэцкую Рэспубліку ў сувязі з рэзкім абвастрэннем сітуацыі ў Данецкай вобласці, у прыватнасці ў Амросіеўцы і Старабешава, паколькі адбылося ўвядзеньне расійскіх войскаў ва Украіну», — заявіў Парашэнка. 
«Месца прэзідэнта сёння ў Кіеве», — дадаў ён.
Ён дадаў, што Украіна тэрмінова будзе ініцыяваць скліканне пасяджэння Савета Бяспекі ААН. 
«Свет павінен даць ацэнку рэзкаму абвастрэнню сітуацыі ва Украіне», — сказаў прэзідэнт. 
Паводле яго слоў, Украіна таксама звернецца да сваіх еўрапейскіх партнёраў з заклікам склікаць надзвычайнае пасяджэнне Савета Еўрапейскага Саюза.