Польшча абвінаваціла ў шпіянажы двух грамадзян Беларусі

Акруговая пракуратура ў Познані абвясціла аб затрыманні двух грамадзян Беларусі, паведамляе Tvn24.pl. Ім прад'яўленыя абвінавачванні, звязаныя са шпіянажам на карысць беларускіх спецслужбаў, яны ўзятыя пад варту.

Беларусы былі затрыманыя ў панядзелак, 4 красавіка, але пракуратура Познані абвясціла пра гэта праз 2 дні, 6 красавіка. Мерапрыемствы праводзіліся ваеннай жандармерыяй, піша REFORM.by.

«У адрас затрыманых агучаныя абвінавачванні ў шпіянажы ў карысць спецслужбаў Беларусі. Мы ўстанавілі, што грамадзяне Беларусі павінны былі, сярод іншага, праводзіць разведку на ваенных і грамадзянскіх аб'ектах, якія маюць крытычнае значэнне для абароны Польшчы», — паведаміў прэс-сакратар рэгіянальнай пракуратуры ў Познані Лукаш Ваўжыняк.

Падрабязнасцяў справы пракуратура пакуль не раскрывае і не дае ніякіх дадатковых даных аб падазраваных. Справа беларусаў расследуецца ваенным аддзелам Познаньскай акруговай пракуратуры.