Прэзідэнт Літвы патрабуе неадкладна ўзмацніць жорсткасць каранціну: новыя абмежаванні закрануць многіх

Прэзідэнт Гітанас Наўседа заклікае да неадкладнага ўзмацнення жорсткасці каранцінных абмежаванняў, каб запаволіць распаўсюджванне каронавіруса, кажа яго галоўны дарадца Сімонас Крэпшта.

«Больш жорсткія меры накіраваны на скарачэнне колькасці сустрэч паміж людзьмі (...), абмежаванні нацэлены таксама на гандлёвыя кропкі, месцы навучання, працоўныя месцы і сямейныя зносіны», — сказаў дарадца журналістам у нядзелю.
«Прэзідэнт лічыць, што гэтыя прапановы неабходна рэалізаваць неадкладна», — дадаў ён.
У нядзелю кіраўнік дзяржавы абмеркаваў сітуацыю з чальцамі Экспертнага савета аховы здароўя. На сустрэчы выдалена прысутнічалі прызначаная прэм'ер-міністрам Інгрыда Шымон, кандыдат на пасаду міністра аховы здароўя Арунас Дулькіс, намеснік міністра аховы здароўя Крысціна Гаруоленэ і дарадца часовага прэм'ер-міністра Саўлюса Сквернеліса па пытаннях аховы здароўя Ёнас Кайрыс.
Крэпшта паведаміў, што адыходзячы прэм'ер-міністр Саўлюс Скверняліс і міністр аховы здароўя Аурэліюс Вярыга таксама былі запрошаныя на сустрэчу, аднак не ўдзельнічалі.
Як піша Delfi, за мінулыя суткі ў Літве пацверджана 2219 новых выпадкаў каронавіруса, памерлі 15 чалавек, паведаміў у нядзелю Дэпартамент статыстыкі.